امبارح كان يوم جامد..
أنا عرفت كذا حد مصري هنا في فنلندا بس كلها كانت معرفة من نوعية انك لما تقابلهم تقولهم ازيكم عاملين ايه.. لكن مفيش مقابلات متخططة او تليفونات متبادلة بشكل دائم..
بس في رمضان الوضع اختلف شوية.. اﻷول كنا غالبا بنتقابل في صلاة الجمعة.. دلوقتي بنتقابل في صلاة التراويح.. وبالتالي في ناس بقابلها بشكل شبه يومي..
امبارح قابلت اتنين في التراويح.. محمود.. طالب ماجستير من الشرقية.. ودكتور عاطف.. دكتور من جامعة قناة السويس بيشتغل هنا حاليا..
قعدت معاهم بعد التراويح وكانت أول مرة آخد وأدي مع ناس هنا واتكلم معاهم بالتفصيل..
حكولي على مواقف كتير بتحصل في الشتا بسبب التلج والبرد..
أغلبها بتنتهي انك تتزحلق ومحدش ييجي يساعدك تقوم..
لأن الناس هنا في حالها ومحدش مركز مع حد
قلتلهم طب ده عشان بتركبوا العجلة.. قالولي لأ حتى وانت ماشي في حالك في أمان الله ممكن تلاقي نفسك اتزحلقت ووقعت على أم رأسك
قلتلهم طب سمعت ان في كاوتش كده بيتركب في العجلة عشان متتزحلقش في التلج.. وفي جزم مخصوصة للتلج.. قالولي آه بس بتتزحلق برده في اﻵخر..
من اﻵخر هتتزحلق هتتزحلق.. ربنا يستر
ابن الدكتور عاطف اسمه عبد الرحمن.. ولد صغير في المدرسة يتحدث العربية والانجليزية والفنلندية بطلاقة.. ماشاء الله
المهم بعد الصلاة كان المفروض نركب في عربية الشيخ عبد المنان إمام المسجد عشان يروحنا.. وكنت انا اول واحد هنزل..
المهم قعدنا مستنينه في المسجد لانه راح يستلم شحنة لحوم حلال جاية من هلسنكي.. وكان سعيد جدا وبيقولنا المرة دي دبحنا ثلاث عجول.. قلناله طب عاوزين نشتري لحمة قالنا لا خلاص كله متباع من قبل ما تيجي
المهم.. ركبنا في العربية وكان معانا غير محمود و دكتور عاطف وابنه شخصين آخرين.. فاتحشرنا في العربية .. هي كبيرة يعني وكفتنا..
بس واحنا في الطريق فجأة لقيت أحد الاثنين الركاب اللي عرفت انه ابن الشيخ عبد المنان بيشاور على عربية بوليس راكنة ومقلق كده..
قلت احنا عاملين ايه يعني هو ليه خايف من البوليس.
لقيت الشيخ عبد المنان قلق هو كمان وابتدى يسرع بالعربية..
قامت عربية البوليس اتحركت وابتدت تمشي ورانا..
كان في تاكسي جنبنا بس هي غالبا كانت جاية ورانا احنا
والشوارع كانت فاضية جدا بالليل ومفيش حد غير العربيات التلاتة..
قلتلهم ايه الغلط يا جماعة.. قالولي لا اصل احنا زيادة في العربية..
قلتلهم وهي دي مخالفة قالولي آه طبعا..
الشيخ لف في طريق تاني كده وقعد يجري بالعربية.. واحنا في نص الطريق لقينا عربية البوليس باينة من بعيد جاية ورانا برده..
المهم قربنا للحتة اللي انا نازل فيها قالي استعد..
في الحتة دي كان في بنزينة قافلة.. قام مخمس بالعربية ودخل استخبى في البنزينة ورا حيطة كده وقالي انزل بسرعة..
قمت نازي وهو لف بالعربية ومشي وبراءة اﻷطفال في عينيها (عيني العربية) وانا عديت الشارع بكل هدوء
لقيت عربية الشرطة معدية جنبي بعد شوية كنت عاوز اعملهم باي باي..
حسيت احساس الgames كده
اول ما متبقاش مخالف البوليس يبطل يجري وراك والحياة تمشي بكل هدوء وكأن شيئا لم يحدث..
بس كان كوميديا بصراحة..البوليس بيجري ورا عربية محملة زيادة.. انت مالك ياعم هي عربيتك :-)
بس في رمضان الوضع اختلف شوية.. اﻷول كنا غالبا بنتقابل في صلاة الجمعة.. دلوقتي بنتقابل في صلاة التراويح.. وبالتالي في ناس بقابلها بشكل شبه يومي..
امبارح قابلت اتنين في التراويح.. محمود.. طالب ماجستير من الشرقية.. ودكتور عاطف.. دكتور من جامعة قناة السويس بيشتغل هنا حاليا..
قعدت معاهم بعد التراويح وكانت أول مرة آخد وأدي مع ناس هنا واتكلم معاهم بالتفصيل..
حكولي على مواقف كتير بتحصل في الشتا بسبب التلج والبرد..
أغلبها بتنتهي انك تتزحلق ومحدش ييجي يساعدك تقوم..
لأن الناس هنا في حالها ومحدش مركز مع حد
قلتلهم طب ده عشان بتركبوا العجلة.. قالولي لأ حتى وانت ماشي في حالك في أمان الله ممكن تلاقي نفسك اتزحلقت ووقعت على أم رأسك
قلتلهم طب سمعت ان في كاوتش كده بيتركب في العجلة عشان متتزحلقش في التلج.. وفي جزم مخصوصة للتلج.. قالولي آه بس بتتزحلق برده في اﻵخر..
من اﻵخر هتتزحلق هتتزحلق.. ربنا يستر
ابن الدكتور عاطف اسمه عبد الرحمن.. ولد صغير في المدرسة يتحدث العربية والانجليزية والفنلندية بطلاقة.. ماشاء الله
المهم بعد الصلاة كان المفروض نركب في عربية الشيخ عبد المنان إمام المسجد عشان يروحنا.. وكنت انا اول واحد هنزل..
المهم قعدنا مستنينه في المسجد لانه راح يستلم شحنة لحوم حلال جاية من هلسنكي.. وكان سعيد جدا وبيقولنا المرة دي دبحنا ثلاث عجول.. قلناله طب عاوزين نشتري لحمة قالنا لا خلاص كله متباع من قبل ما تيجي
المهم.. ركبنا في العربية وكان معانا غير محمود و دكتور عاطف وابنه شخصين آخرين.. فاتحشرنا في العربية .. هي كبيرة يعني وكفتنا..
بس واحنا في الطريق فجأة لقيت أحد الاثنين الركاب اللي عرفت انه ابن الشيخ عبد المنان بيشاور على عربية بوليس راكنة ومقلق كده..
قلت احنا عاملين ايه يعني هو ليه خايف من البوليس.
لقيت الشيخ عبد المنان قلق هو كمان وابتدى يسرع بالعربية..
قامت عربية البوليس اتحركت وابتدت تمشي ورانا..
كان في تاكسي جنبنا بس هي غالبا كانت جاية ورانا احنا
والشوارع كانت فاضية جدا بالليل ومفيش حد غير العربيات التلاتة..
قلتلهم ايه الغلط يا جماعة.. قالولي لا اصل احنا زيادة في العربية..
قلتلهم وهي دي مخالفة قالولي آه طبعا..
الشيخ لف في طريق تاني كده وقعد يجري بالعربية.. واحنا في نص الطريق لقينا عربية البوليس باينة من بعيد جاية ورانا برده..
المهم قربنا للحتة اللي انا نازل فيها قالي استعد..
في الحتة دي كان في بنزينة قافلة.. قام مخمس بالعربية ودخل استخبى في البنزينة ورا حيطة كده وقالي انزل بسرعة..
قمت نازي وهو لف بالعربية ومشي وبراءة اﻷطفال في عينيها (عيني العربية) وانا عديت الشارع بكل هدوء
لقيت عربية الشرطة معدية جنبي بعد شوية كنت عاوز اعملهم باي باي..
حسيت احساس الgames كده
اول ما متبقاش مخالف البوليس يبطل يجري وراك والحياة تمشي بكل هدوء وكأن شيئا لم يحدث..
بس كان كوميديا بصراحة..البوليس بيجري ورا عربية محملة زيادة.. انت مالك ياعم هي عربيتك :-)
